Young flaug inn í toppbaráttuna og Scheffler skammt undan

Ágúst Orri Arnarson skrifar 19. júlí 2026 13:55

Cameron Young byrjaði daginn á þremur fuglum. Charlie Crowhurst/R&A/R&A via Getty Images

Cameron Young átti erfiðan gærdag en fór fljúgandi af stað á lokadegi Opna breska meistaramótsins og er í bullandi baráttu um efsta sætið. Scottie Scheffler nálgast Sam Burns sömuleiðis óðfluga.

Young endaði gærdaginn þremur höggum yfir pari og virtist vera búinn að tjékka sig út úr toppbaráttunni en kvittaði strax fyrir sig í dag með þremur fuglum á fyrstu þremur holunum.

Eftir fyrri níu holurnar, sem Young fór á 29 höggum, var hann kominn í toppbaráttuna.

Birdie-birdie-birdie-par-birdie.

An explosive start to the final round by Cameron Young. He's up to -7 for the Championship. pic.twitter.com/52lRGNKFsN
— The Open (@TheOpen) July 19, 2026

Scottie Scheffler átti einnig frábæra byrjun á deginum og náði þremur fuglum á fyrstu fimm holunum en síðan hægðist aðeins á honum. Scheffler fór fyrri níu holurnar á 31 höggi.

Sam Burns situr í efsta sæti, eftir að hafa jafnað vallarmet á föstudag og farið fjórum höggum undir pari í gær. Hann er lagður af stað á lokahringinn og leiðir listann tíu höggum undir pari.

Stöðu mótsins má sjá hér.

Opna breska meistaramótið er í beinni útsendingu á Sýn Sport.

Opna breska Golf