Viðskipti innlent

María Fjóla lætur af störfum hjá Hrafnistu

Silja Rún Sigurbjörnsdóttir skrifar
María Fjóla Harðardóttir er hætt sem forstjóri Hrafnistu.
María Fjóla Harðardóttir er hætt sem forstjóri Hrafnistu. Vísir/Bjarni

María Fjóla Harðardóttir hefur látið af störfum sem forstjóri Hrafnistu eftir sex ára starf. Gunnur Helgadóttir mun sinna starfinu tímabundið í hennar stað.

Þetta kemur fram í tilkynningu frá Hrafnistu og þakkar stjórnin Maríu fyrir framlag hennar og störf í þágu Hrafnistu og íbúa hennar undanfarin ár.

Gunnur, sem hefur gegnt starfi framkvæmdastjóra heilbrigðissviðs hjá Hrafnistu, mun gegna stöðu forstjóra þar til nýr forstjóri hefur verið ráðinn. Hún býr að víðtækri stjórnunarreynslu og hefur starfað hjá fyrirtækinu frá árinu 2020 og var þar áður framkvæmdastjóri Vistor.

Hún er með MBA-gráðu frá Háskólanum í Reykjavík og BSc-próf í hjúkrunarfræði frá Háskóla Íslands.

Vistaskipti Hjúkrunarheimili


Mest lesið


Fleiri fréttir

Sjá meira


×

Mest lesið