Vara við vasa­þjófum á Norður­landi eystra

Greint er frá þessu í færslu Lögreglunnar á Norðurlandi eystra í Facebook-færslu en þar segir að upplýsingar séu um að vasaþjófar séu á ferðinni á þekktum ferðamannastöðum í landshlutanum. 

Fólk er minnt á að huga vel að eigum sínum og þeir sem fari með hópa á þekkta ferðamannastaði upplýsi þá hópa sem þeir sjá um að gera slíkt hið sama. 

Í hverri viku berast tugir tilkynninga um vasaþjófnað við ferðamannastaði og verulegar fjárhæðir eru oft undir að sögn lögreglu. Lögreglan á Suðurlandi hefur gripið til aukinna aðgerða vegna viðvarandi vasaþjófa á helstu ferðamannastöðum en meðal annars sinni ómerktir lögreglumenn eftirliti.

Lögregla segir að umkipulagða brotastarfsemi sé að ræða en að brotahópar komi til landsins í þeim tilgangi að stunda vasaþjófnað og dvelji hérlendis í einhvern tíma.