Elfa Ýr lætur af störfum hjá Fjöl­miðla­nefnd

Hún segir í færslunni að nú séu því síðustu vikur hennar í starfi, eða þar til næsti framkvæmdastjóri verður skipaður. Hún segist spennt fyrir næsta kafla en tekur ekki fram hver það er.

Elfa Ýr segir það hafa verið röð tilviljana sem leiddu hana inn á skrifstofu Fjölmiðlanefndar.

„Fyrir 22 árum var mér óvænt boðið að verða ritari þverpólitískrar nefndar sem átti að koma með tillögur að nýjum fjölmiðlalögum. Það var upphafið að annasömum tíma í stjórnsýslunni þar sem ég hef orðið vitni að miklum samfélagsbreytingum. Fyrir röð tilviljana lá leið mín inn á þetta svið, fyrst í menntamálaráðuneytið en síðustu 15 árin sem framkvæmdastjóri Fjölmiðlanefndar,“ segir hún í færslunni.

Þessir tveir áratugir hafi verið viðburðaríkir og hún sé stolt af samstarfsfólki sínu.

„Ég er þakklát fyrir tækifærið til að vinna að málaflokki sem ég hef brunnið fyrir öll þessi ár og samtímis hlakka ég til næsta kafla í lífinu,“ segir hún að lokum.

Um nefndina segir á vef hennar að hún sé sjálfstæð stjórnsýslunefnd sem heyrir undir menningar-, nýsköpunar- og háskólaráðuneytið. Nefndin annist eftirlit samkvæmt lögum um fjölmiðla nr. 38/2011 og daglega stjórnsýslu á því sviði sem lögin ná til. Þá annast Fjölmiðlanefnd þau hlutverk sem henni eru falin í öðrum lögum.