Leik­menn beggja liða fá bönn eftir úr­slita­leik HM

Eftir úrslitaleik heimsmeistaramótsins í fótbolta þar sem Spánn vann Argentínu 1-0 brutust út slagsmsál milli nokkurra leikmanna. Þar sást Paredes henda Gavi, leikmanni spænska landsliðsins, í jörðina ásamt því að grípa Eric Garcia halstaki. Fyrir þetta atvik hefur Paredes verið dæmdur í tíu leikja bann en hann leikur með Boca Juniors í heimalandinu. 

Bönnin gilda þó aðeins fyrir landsleiki og mun ekki hafa áhrif á leiki félagsliða leikmanna.

Á sama tíma hefur Nahuel Molina verið dæmdur í sjö leikja bann fyrir að slá Rodri, fyrirliða Spánar, í átökunum sem brutust út eftir úrslitaleikinn. Aðstoðarþjálfari Argentínu, Roberto Ayla, var einnig dæmdur í þriggja leikja bann.

Argentíska knattspyrnusambandið fékk einnig refsingar fyrir ýmis brot á meðan á heimsmeistaramótinu stóð. Sambandið verður sektað um 321 þúsund dollara eða tæpar 40 milljónir króna. Ásamt því mun argentíska landsliðið þurfa að spila næstu tvo leiki bak við luktar dyr.

Leikmenn spænska landsliðsins voru ekki alveg lausir við refsingar en Gavi fékk einnig eins leiks bann fyrir að espa undir Argentínumennina sem leiddi til þess að átökin brutust út. Hann sagði þó eftir úrslitaleikinn að Paredes ætti ekki að fá bann heldur hefði hann einfaldlega átt að vera rekinn af velli í leiknum.