Viðskipti innlent

Lands­bankinn hækkar líka vexti

Samúel Karl Ólason skrifar
Landsbankinn boðar vaxtahækkanir sem taka gildi í næstu viku.
Landsbankinn boðar vaxtahækkanir sem taka gildi í næstu viku. Vísir/Anton Brink

Vextir á bæði inn- og útlánum hjá Landsbankanum munu hækka í kjölfar hækkunar stýrivaxta. Áður hafði Indó sparisjóður hækkað vexti.

Í yfirlýsingu frá Landsbankanum segir að breytingarnar muni taka gildi fimmtudaginn 27. ágúst.

Vextir á nýjum verðtryggðum íbúðalánum hækka um 0,1 prósentustig. Það sama á við um 36 mánaða vexti á nýjum óverðtryggðum íbúðalánum.

Fastir vextir til tólf mánaða á nýjum óverðtryggðum íbúðalánum hækka um 0,2 prósentustig. Breytilegir vextir á óverðtryggðum íbúðalánum hækka um 0,25 prósentustig, eins og stýrivextirnir.

Aðrir útlánavextir hækka einnig um 0,25 prósentustig. Á það við kjörvexti á óverðtryggðum lánum og yfirdráttarvexti.

Þegar kemur að innlánavöxtum hækka vextir á sparireikningum í appi um 0,25 prósentustig og það gera vextir á öðrum óverðtryggðum sparireikningum einnig.

Vextir á óverðtryggðum fastvaxtareikningum hækka um allt að 0,20 prósentustig.

Fastir vextir til sextíu mánaða á nýjum óverðtryggðum íbúðalánum haldast óbreyttir.

Verðlag Landsbankinn

Tengdar fréttir

Indó hækkar vexti vegna stýrivaxtahækkunar

Vextir á bæði inn- og útlánum hjá Indó sparisjóði hækka um fjórðung úr prósenti. Hækkunin er sögð endurspegla alfarið ákvörðun Seðlabankans um að hækka stýrivexti í morgun.



Mest lesið


Fleiri fréttir

Sjá meira


×

Mest lesið