Lægð nálgast og hviður geta orðið bílum skeinuhættar

Þá hlýnar heldur og eru líkur á næturfrosti næstu daga mjög litlar, að því er segir í hugleiðingum veðurfræðings á Veðurstofu Íslands. Á morgun, fimmtudag gengur úrkomusvæði norður yfir landið með rigningu í öllum landshlutum.

Eftir hádegi á morgun dregur úr vindi og vætu, þótt líklega muni ekki alls staðar ná að blotna um norðanvert landið. Svo er útlit fyrir minni lægðagang þar á eftir með rólegra veðri.

Austanátt í dag, allhvass syðst undir kvöld, annars mun hægari. Skýjað, en rigning með köflum sunnan- og vestantil. Bætir í úrkomu syðst í kvöld. Hiti 7 til 14 stig, en 4 til 9 stig austanlands. Austan 5-15 á morgun, hvassast með suðurströndinni. Rigning með köflum, mest sunnantil, en austast um kvöldið. Hiti 7 til 13 stig.

Veðurhorfur á landinu næstu daga:

Á fimmtudag:

Austan og norðaustan 5-10 m/s, en 10-15 syðst. Skýjað og rigning, einkum sunnantil, en dregur úr úrkomu er líður á daginn. Hiti 7 til 13 stig.

Á föstudag:

Breytileg átt 3-8 m/s. Rigning norðaustan- og austanlands, en annars skúrir. Hiti 8 til 14 stig, mildast syðst.

Á laugardag:

Fremur hæg vestlæg eða breytilega átt og sums staðar dálítil rigning, en lengst af bjartviðri sunnantil. Hiti 7 til 13 stig.

Á sunnudag:

Hæg breytileg átt og stöku skúrir á víð og dreif, einkum sunnsntil. Hiti breytist lítið.

Á mánudag og þriðjudag:

Útlit fyrir norðlæga eða breytrilega átt. Skýjað og svalt fyrir norðan, en annars bjart með köflum og hiti að 14 stigum.