Sænskur stórglæpon hand­samaður í Marokkó

Namdar, sem er 21 árs gamall, var klófestur í hafnarborginni Tangier í gær, að því er segir í frétt sænska ríkisútvarpsins. Alþjóðleg handtökuskipun var gefin út á hendur honum fyrr á þessu ári og var hann efstur á lista alþjóðalögreglunnar Interpol yfir eftirlýsta menn.

Sænsk yfirvöld fóru fram á handtökuskipunina á hendur Namdar vegna tilraunar til manndráps. Hann er grunaður um að hafa staðið að ofbeldisverkum í Borås, Uddevalla og Katrínarhólmi í Svíþjóð. Í Borås er hann talinn hafa fengið tólf ára gamla stúlku til þess að reyna að sprengja tvær handsprengjur.

Namdar er einnig eftirlýstur í Noregi, meðal annars fyrir sprengjutilræði í miðborg Osló í september í fyrra.