Tískutal - Kolbrún Anna Vignisdóttir
Förðunarfræðingurinn og tískugyðjan Kolbrún Anna Vignisdóttir fer listilegar og frumlegar leiðir í klæðaburði. Tjáningarform tískunnar hefur alla tíð heillað Kolbrúnu og í gegnum tíðina hefur hún farið í gegnum fjölbreytt tímabil og nært þessa ástríðu sína fyrir fatnaði. Kolla Vignis, eins og hún er gjarnan kölluð, er viðmælandi í Tískutali þar sem hún fer yfir innblásturinn, áhrif tískunnar, eftirminnilegar flíkur, góð og skemmtileg kaup og deilir bæði góðum og fyndnum ráðum, þar á meðal hvað skuli ekki gera þegar maður klæðist samfesting á fínum viðburði.
