Sprenging í Fóðurblöndunni

Hafi orðið ryksprenging í tómum tanki í Fóðurblöndunni

Sprengingin í Fóðurblöndunni í morgun varð í tómum tanki í húsnæði Fóðurblöndunnar. Í yfirlýsingu kemur fram að vinna hafi verið yfirstandandi við einn af þremur tómum tönkum. Í húsinu séu alls 45 tankar. Framkvæmdastjóri telur að um ryksprengingu hafi verið að ræða.

Innlent 20.3.2026 13:00

„Heyrðust öskur þarna uppi og það er ekkert þægilegt“

Einn liggur þungt haldinn á spítala eftir að sprenging varð í húsnæði Fóðurblöndunnar í Korngörðum upp úr klukkan sjö í morgun. Sjónarvottur segir að sér sé illa brugðið eftir atvikið. Ringulreiðin og öskrin sem fylgdu hafi verið verulega óþægileg.

Innlent 20.3.2026 12:20

Húsið hannað til að gefa eftir í sprengingu

Sá hluti húsnæðis Fóðurblöndunnar að Korngörðum í Reykjavík sem stórt gat myndaðist á í sprengingu í morgun er hannaður til þess að gefa eftir í sprengingu. Tveir þeirra sem slösuðust voru í þeim hluta byggingarinnar. Annar þeirra er alvarlega slasaður. Sá þriðji var fyrir utan húsið þegar viðbragðsaðila bar að garði og gekk sjálfur inn í sjúkrabíl.

Innlent 20.3.2026 10:48

Einn alvarlega slasaður af sextán sem voru inni í húsinu

Sextán manns voru inni í húsnæði Fóðurblöndunnar að Korngörðum í Reykjavík þegar sprenging varð þar laust upp úr klukkan 07 í morgun. Þrír hafa verið fluttir á sjúkrahús og einn þeirra er alvarlega slasaður.

Innlent 20.3.2026 09:23

Þrír fluttir á slysadeild vegna sprengingar í Korngörðum

Lögregla segir vinnuslys í Fóðurblöndunni í Korngörðum í Reykjavík alvarlegan atburð. Þrír hafa verið fluttir á slysadeild og fólki einnig sinnt á staðnum. Slökkvilið var kallað út í morgun og er töluverður viðbúnaður á svæðinu.

Innlent 20.3.2026 07:51