Viðskipti innlent

Fréttir í tímaröð

Fréttamynd

Nauða­samningur Rammagerðarinnar samþykktur: Bjóða 25 aura á krónuna

Rammagerðin ehf., sem rekur samnefndar gjafavöruverslanir, hefur gert nauðasamning við kröfuhafa, sem á nú aðeins eftir að staðfesta fyrir dómi. Samkvæmt samningnum fá þeir sem eiga kröfur allt að hundrað þúsund krónum kröfur sínar greiddar að fullu en aðrir fá aðeins fjórðung krafna greiddan. Greiðslu fjórðungs kröfuupphæðar verður dreift yfir sjö ár, án vaxta og tryggingar.

Viðskipti innlent
Fréttamynd

Ungir fatasalar möluðu gull

Metta sport seldi íþróttafatnað fyrir 733 milljónir króna og hagnaðist um 252 milljónir í fyrra. Félagið er í 80 prósenta eigu Péturs Kiernan og 20 prósenta eigu Samúels Ásberg O'Neill, sem báðir eru á þrítugsaldri. Einn helsti keppinautur Metta, Kenzen, seldi fyrir 245 milljónir og hagnaðist um sextíu milljónir. Árið áður hafði Kenzen aðeins hagnast um 250 þúsund krónur. Þá sækir nýja fatamerkið Takk Takk í sig veðrið.

Viðskipti innlent
Fréttamynd

Tengir stór­fram­kvæmdir við fram­tíð lýð­ræðisins

Stofnun innviðafélagsins Ganga og brúar er líka pólitískt verkefni um að sýna að lýðræðislega kjörnar ríkisstjórnir geti komið stórum hlutum í verk, segir Kristrún Frostadóttir forsætisráðherra. Hún segir stóra erlenda fjárfesta sýna félaginu áhuga og að með því skapist fjárhagslegur rammi fyrir Sundabraut og fleiri stór samgönguverkefni.

Viðskipti innlent
Fréttamynd

Endurtakk-bræður opna verslun í Hlemmur.haus

Bræðurnir sem standa að baki hönnunarmerkisins Endurtakk opna á morgun nýtt verslunarrými á jarðhæðinni í Hlemmur.Haus að Laugavegi 114 þar sem  Tryggingamiðstöðin var áður til húsa. Verslunarrýmið er rekið af bræðrunum Rik og Ross McNair. Undanfarin fimm ár hafa þeir rekið vörumerkið Endurtakk, sem framleiðir föt og fylgihluti úr endurnýttum textílefnum.

Viðskipti innlent
Fréttamynd

Wolt svarar fyrir tekjur sendlanna

Færri sendingar og minni eftirspurn í haust eru meðal þeirra ástæða að tekjur sendla hjá Wolt á Íslandi hafa minnkað síðan í upphafi ársins, að því er segir í yfirlýsingu frá fyrirtækinu. Sendlar séu að meðaltali með laun upp á 6100 krónur fyrir hverja vinnustund. Fyrirtækið segist hafna því alfarið að það stundi gerviverktöku, búist sé við því að staðan batni eftir því sem líði á veturinn.

Viðskipti innlent
Fréttamynd

Starfs­leyfi Sam­herja til fiskþurrkunar að Laugum fellt úr gildi

Starfsleyfi Samherja til fiskþurrkunar að Laugum í Reykjadal hefur verið fellt úr gildi af úrskurðarnefnd umhverfis- og auðlindamála vegna annmarka. Tuttugu manns starfa í fiskþurrkuninni að Laugum en samkvæmt upplýsingum frá Samherja kemur ekki til uppsagna að svo stöddu vegna þessa. Þá lýsir Þingeyjarsveit yfir miklum áhyggjum vegna málsins.

Viðskipti innlent
Fréttamynd

Treble tryggir tvo milljarða í fjár­mögnun

Nýsköpunarfyrirtækið Treble Technologies hefur tryggt sér um tvo milljarða króna í fjármögun fyrir þróun hugbúnaðar á sviði hljóðhermunar fyrir gervigreind og snjalltæki. Það er í einföldu máli sagt tækni sem gerir tækjum kleift að heyra, að skynja og skilja hljóð. Til stendur að nota fjármagnið til frekari vaxtar í Bandaríkjunum.

Viðskipti innlent
Fréttamynd

Fast­eigna­markaðurinn kólnar enn

Fasteignamarkaðurinn kólnar enn og íbúðaverð hækkar áfram hóflega á milli mánaða. Þetta er mat fasteignasala og er greint frá í mánaðarskýrslu Húsnæðis- og mannvirkjastofnunar (HMS). Þar segir að kaupsamningar um fyrstu fasteign hafi verið færri en síðustu ár, hlutdeild fyrstu kaupenda hafi þó verið há undanfarna mánuði sem áfram njóti í miklum mæli stuðnings frá nákomnum.

Viðskipti innlent
Fréttamynd

Wolt sendlar lögðu niður störf

Framkvæmdastjóri Wolt á Íslandi segir að öllum ábendingum frá sendlum á vegum fyrirtækisins sé tekið alvarlega. Sendlarnir lögðu niður störf tímabundið í dag og segja fyrirtækið hafa lækkað laun sín um fjörutíu prósent á einu ári.

Viðskipti innlent