Gæsluvarðhald til 3. desember

Hæstiréttur hefur staðfest gæsluvarðhald yfir karlmanni vegna tilraunar til stórfellds fíkniefnasmygls. Maðurinn tengist stóru máli sem fjallað hefur verið um í fjölmiðlum að undanförnu og snýst um umfangsmikið smygl á amfetamíni og LSD meðal annars. Hæstiréttur staðfestir að maðurinn skuli vera í gæslu allt til 3. desember. Í úrskurði dómsins er fallist á það með Héraðsdómara að fyrir hendi sé sterkur grunur um að maðurinn hafi framið brot sem geti varðað allt að tólf ára fangelsi og að brotið sé þess eðlis að telja verði gæsluvarðhald nauðsynlegt með tilliti til almannahagsmuna.