11,7 milljarða hagnaður KB banka

Hagnaður KB banka fyrstu níu mánuði ársins, eftir skatta, var 11,7 milljarðar króna. Það er rúmlega hundrað og þrjátíu prósenta aukning miðað við sama tíma í fyrra. Arðsemi eigin fjár eftir skatta var 32,5 prósent en var rúmlega 21 prósent á sama tíma í fyrra. Hreinar rekstrartekjur fyrstu níu mánuðina námu röskum 34 milljörðum króna , sem er ríflega 54 prósenta aukning. Heildareignir námu 1522 milljörðum króna og má rekja það að miklu leyti til kaupa á danska bankanum FIH.