Stýrði fjárkúgun úr fangaklefa

Mafíuforingi sem var dæmdur fyrir fjárkúgun hélt áfram að stýra starfseminni úr fangaklefa sínum. Hann kom skilaboðum fyrir í óhreina þvottinum sem hann lét ættingja sína sækja í fangelsi. Þannig kom hann fyrirskipunum áfram til undirmanna sinna sem héldu áfram að kúga fé út úr vínsölum á Sikiley. Eftir að upp komst um athæfið voru gefnar út handtökuskipanir á hendur 24 meðlimum í Vitale glæpahópnum. Uppgötvunin þykir þó sýna að þrátt fyrir loforð um að taka af hörku á glæpaforingjum í fangelsum sé víða brestur á því.