Strokufangi áfram í gæsluvarðhaldi

Gæsluvarðhald yfir nítján ára pilti, sem ákærður er fyrir vopnað rán í Hringbrautarapóteki í byrjun september, hefur verið framlengt þar til dómur fellur en þó ekki lengur en til 4. janúar. Aðalmeðferð í málinu verður í lok mánaðarins. Pilturinn notaði gasskammbyssu og hótaði starfsfólki lífláti þegar hann rændi apótekið. Hann er líka ákærður fyrir að hafa lagt haglabyssu að andliti manns í heimahúsi. Pilturinn var sagður vera ekki hættulegur þegar hann strauk úr fangelsi og lýst var eftir honum í fjölmiðlum.