Connery vill McGregor sem Bond
Skoski sjarmörinn Sean Connery vill að landi sinn Ewan McGregor verði næsti James Bond. Connery segir McGregor tilvalinn í hlutverkið og mælir með því að hann taki það að sér, verði honum boðið það. Hinn 33ja ára gamli McGregor er talinn líklegastur til að hreppa hnossið af veðbönkum vestan hafs, en aðrir sem þykja koma til greina eru m.a. Englendingurinn Jude Law og Ástralarnir Eric Bana og Hugh Jackman.
