Dæmdur fyrir tvær líkamsárásir

Héraðsdómur Reykjavíkur dæmdi í dag rúmlega þrítugan mann í fimmtán mánaða fangelsi fyrir tvær líkamsárásir. Í október sl. kýldi hann mann á Grettisgötu með þeim afleiðingum að hann kinnbeinsbrotnaði, bólgnaði undir auga og tennur gengu niður. Aðeins viku síðar sparkaði hann ítrekað í höfuð manns og líkama og stakk hann með skærum sem varð til þess að maðurinn hlaut stórt og djúpt sár í vinstri lófa og stungusár á vinstri upphandlegg, hruflaðist og bólgnaði á enni og í andliti. Þá var maðurinn einnig dæmdur til greiðslu 260 þúsund króna sektar og ökuleyfissviptingar í þrjú fyrir að keyra ítrekað undir áhrifum áfengis.