Aðeins mál eins starfsmanns

Hæstiréttur staðfesti í gær úrskurð héraðsdóms í deilu Iceland Seafood og fyrrverandi starfsmanns. Hann var í hópi fimm lykilstarfsmanna Iceland Seafood sem hættu hjá fyrirtækinu og réðu sig til Seafood Union sem er í sama geira. Iceland Seafood fór fram á að lögbann yrði sett á ráðningu mannsins en sýslumaður hafnaði því. Sýslumaður féllst hins vegar á lögbann á hina starfsmennina fjóra. Héraðsdómur Reykjavíkur hafnaði þeirri kröfu í síðasta mánuði. Þeirri niðurstöðu hefur ekki verið áfrýjað. Iceland Seafood skaut máli fimmta mannsins til Hæstaréttar í þeirri von að lögbann yrði sett á ráðningu hans til Seafood Union en varð ekki kápan úr því klæðinu. Missagt var í fréttum Bylgjunnar í morgun að mál allra starfsmannanna hafi verið á borði Hæstaréttar í gær.