Farþegum Icelandair fjölgar áfram

Farþegum Icelandair í ágúst fjölgaði um 19,1 prósent í ágúst frá sama tímabili í fyrra og voru tæplega 203 þúsund. Þetta kemur fram í tilkynningu frá FL GROUP. Frá áramótum hefur farþegum Icelandair fjölgað um 14,5 prósent og eru þeir tæplega 1,1 milljón. Sætanýting hefur batnað um 2,4 prósentustig og er á fyrstu átta mánuðum ársins 78,1 prósent. Farþegum Flugfélags Íslands í innanlandsflugi fækkaði hins vegar um 4,6 prósent í ágúst og voru tæplega 30 þúsund. Þeim hefur þó fjölgað frá áramótum um 3,2 prósent.