Allir sitji sem fastast

Björn Bjarnason dómsmálaráðherra skrifar í pistli á heimasíðu sinni að hann sjái ekki nokkuð athugavert við aðkomu Styrmis Gunnarssonar að undirbúningi Baugsmálsins. Engin ástæða sé fyrir Styrmi, Björn sjálfan, eða nokkurn annan ef því er að skipta, til að segja sig frá störfum. Jóhannes Jónsson, einn eigenda Baugs, hefur höfðað til eigenda Morgunblaðsins að víkja Styrmi úr ritstjórastólnum í kjölfar birtingar Fréttablaðsins á tölvubréfum sem lýsa aðkomu hans að málinu.