Lá við stórslysi

Tilviljun og heppni réðu því, að mati lögreglu, að ekki varð stórslys þegar ökumaður í annarlegu ástandi ók gegn rauðu ljósi inn á gatnamót Grensásvegar og Miklubrautar um klukkan hálfellefu í gærkvöldi, og lenti þar utan í tveimur bílum sem óku eftir Miklubrautinni. Upphaflega hafði lögreglan stöðvað hann í Lágmúla en hann stakk af þegar lögreglumenn voru komnir að bílnum. Þaðan ók hann á miklum hraða og á móti rauðum ljósum oftar en einu sinni. Allir sluppu ómeiddir í bílunum sem maðurinn ók á en hann og farþegi hans meiddust og er ökumaðurinn enn á sjúkrahúsi.