Button ánægður með Honda

Ökuþórinn Jenson Button segir að kaup Honda-liðsins á BAR, gætu orðið til þess að gera sér kleift að verða heimsmeistari ökumanna í Formúlu 1 og segir að liðið verði í fremstu röð á næsta ári. "Þetta er að mínu mati síðasta púslið í áform okkar um að komast í fremstu röð," sagði Button, sem trúir að liðið muni framvegis hafa úr meiri fjármunum að spila. "Ég er þess fullviss að við eigum eftir að verða í fremstu röð á næsta tímabili, þetta eru frábærar fréttir og ég get ekki beðið. Ég held að ég eigi hvergi betri möguleika á að vinna titil ökumanna en einmitt hér, svo að ég er eðlilega mjög ánægður hjá Honda," sagði Button.