Hæstiréttur dæmdi mann í dag í fimm mánaða fangelsi, þar af þrjá skilorðsbundna, fyrir að hafa sent ungum stúlkum fjölmörg klámfengin og kynferðisleg smáskilaboð og sært blygðunarkennd þeirra með því að biðja þær um að sýna sér brjóstin og biðja þær um að hafa við sig munnmök, einnig strauk maðurinn bæði læri og nára annarar stúlkunnar í sundlaug.
Ákærði viðurkenndi að hafa sent annarri stúlkunni 1276 GSM smáskilaboð á tímabilinu september 2003 til júní 2004 og að hafa sent hinni 2444 GSM smáskilaboð á sama tímabili, öðrum ákærum neitaði hann, en fyrir dómi þótti hátterni mannsins sannað. Stúlkurnar voru báðar nemendur mannsins við Grunnskólann í Stykkishólmi.
