Portúgali handtekinn vegna meintrar fíkniefnasölu

Eitt hunndrað grömm af ætluðu hassi fundust í sölupakkningum í vistarverum 34 ára Portúgala á Kárahnjúkum í lok október. Einnig var lagt hald á tölvu og tæplega 300 þúsund krónur í peningum. Maðurinn var í frí þegar leitin var gerð og var hann handtekinn á Egilsstaðaflugvelli í gær.

Þá fundust á honum þrjú hundruð grömm af hassi í sölupakkningum. Hann var yfirheyrður í gærkvöld og hefur verið krafist farbanns yfir honum. Ómar Valdimarsson talsmaður Impregilo segir leitina í vistarverum mannsins hafa verið gerða að beiðni Impregilo.