Valur sigraði Þór

Leikjum kvöldsins í DHL-deild karla í handbolta er lokið. Valsmenn unnu góðan sigur á Þór frá Akureyri í Laugardalshöllinni 37-32. Baldvin Þorsteinsson, Mohamadi Loutoufi og Elvar Friðriksson skoruðu allir sjö mörk hver fyrir Val, en Aigars Lazdins skoraði níu fyrir Þór og Sindri Haraldsson skoraði átta mörk.

FHingar sigruðu sameiginglegt lið Víkings og Fjölnis með 39 mörkum gegn 30 í Kaplakrika. Hjörtur Hinriksson skoraði sjö mörk fyrir FH, en Brjánn Guðni Bjarnason skoraði níu mörk fyrir Víking/Fjölni.

Þá vann Fylkir góðan sigur á ÍR í Árbænum 28-27 en leik KA og Stjörnunnar var frestað vegna þáttöku norðanmanna í Evrópukeppninni.