England í hópi átta efstu

Í dag varð ljóst hvaða átta þjóðir yrðu í efsta sæti styrkleikalistans fyrir dráttinn í riðla á HM í Þýskalandi næsta sumar. Dregið verður í riðla á föstudaginn, en sá viðburður verður sýndur í beinni útsendingu á sjónvarpsstöðinni Sýn. England náði að hreppa sæti í efsta styrkleikaflokki og er forráðamönnum enska knattspyrnusambandsins létt fyrir vikið.

Þjóðirnar sem skipa efsta styrkleikaflokk eru Þýskaland, Argentína, Brasilía, Frakkland, Spánn, England, Ítalía og Mexíkó, en þetta þýðir að þjóðir þessar geta ekki mæst í riðlakeppninni.