Heinze missir af HM

Sir Alex Ferguson hefur látið hafa eftir sér að hann óttist að argentínski landsliðsmaðurinn Gabriel Heinze muni missa af HM í sumar vegna alvarlegra hnémeiðsla sem hann varð fyrir í leik með Manchester United í Meistaradeildinni í haust.

"Ég veit að það verður honum mikið áfall,því allir vilja leika fyrir hönd þjóðar sinnar. Ég á samt erfitt með að sjá að hann verði búinn að ná sér í tæka tíð af þessum alvarlegu meiðslum. Ég held að hann geti ekkert spilað fyrr en á næsta leiktímabili," sagði Ferguson, en það var bæði Manchester United og Argentínu mikið áfall að missa varnarmanninn sterka, sem hafði verið að leika hreint frábærlega áður en hann meiddist.