Samvinna McBride og Heiðars kom mér á óvart

Chris Coleman segir að það hafi komið sér á óvart hve vel þeir Heiðar Helguson og Brian McBride hafi náð saman í framlínu liðsins í síðustu tveimur leikjum, en bendir á að varnarmenn andstæðinganna hafi haft fangið fullt við að gæta þeirra vegna líkamlegs styrks þeirra.

Coleman hyggst endurnýja samning McBride í janúar, en núverandi samningur hins 33 ára gamla Bandaríkjamanns rennur út í sumar. "Brian er búinn að vera frábær í vetur og hann er sannur atvinnumaður og draumur allra knattpyrnustjóra fyrir hvað hann leggur sig alltaf allan fram. Hann lítur oft út eins og að vera nýkominn úr slagsmálum á einhverjum barnum þegar hann kemur af æfingum rifinn og tættur, en það er til marks um harðfylgi hans.

Það kom mér á óvart hversu vel Brian og Heiðar náðu vel saman í framlínunni, því þeir eru nokkuð líkir leikmenn. Það er hinsvegar ekkert leyndarmál að tveir svona sterkir framherjar geta verið martröð fyrir varnarmenn - mér sýndist John Terry eiga fullt í fangið með þá á dögunum og hann er einn af þeim allra bestu," sagði Coleman.