Jónas á­frýjar til Hæsta­réttar

Jónas Garðarsson, sem dæmdur var í Héraðsdómi Reykjavíkur í síðasta mánuði í þriggja ára óskilorðsbundið fangelsi fyrir manndráp af gáleysi, hefur áfrýjað dómnum til Hæstaréttar.

Jónas var eigandi skemmtibátsins Hörpu sem steytti á Skarfaskeri á Viðeyjarsundi í september í fyrra, með þeim afleiðingum að Friðrik Á. Hermannsson og sambýliskona hans, Matthildur Harðardóttir, létust. Jónas og kona hans slösuðust mikið en tíu ára gamall sonur þeirra slapp lítið meiddur úr slysinu.