Of margir tilkynna veikindi

Bjarne Håkon Hanssen, vinnumálaráðherra Noregs, leitar nú leiða til að draga úr veikindafjarvistum Norðmanna. Mælingar sýna að 7,6 prósent vinnandi manna voru frá vinnu vegna veikinda á fyrsta fjórðungi þessa árs.

Ráðherrann segir að til greina komi að neyða atvinnurekendur til að taka aukinn þátt í kostnaði sem af veikindunum hlýst, því þannig verði þeir áhugasamari um heilsufar starfsmanna sinna.

Árið 2004 var svart ár í heilsufarssögu Norðmanna, en þá skráðu að meðaltali 8,5 prósent Norðmanna sig veika á degi hverjum. Best var heilsan um mitt ár 2005, en þá hrjáðu veikindi einungis 6,3 prósent þjóðarinnar.