Sakaður um að tímasetja fréttir

Lene Espersen, dómsmálaráðherra Danmerkur, hefur verið sökuð um að tímasetja frétt af ökuskírteinismissi sínum þannig að lítið bæri á henni í fjölmiðlum, segir í frétt Nyhedsavisen.

Hinn 23. október missti Espersen bílprófið og var dæmd til að greiða 1.500 danskar krónur í sekt fyrir að aka á skellinöðruknapa í september.

Ráðuneytið beið hins vegar með að segja frá dómi ráðherrans þar til þremur dögum síðar, og kom fréttatilkynningin klukkutíma eftir að hirðin tilkynnti að María krónprinsessa ætti von á barni.

Því fór minna fyrir fregninni en annars hefði verið, að sögn danskra fréttaskýrenda.