Wigan í úrslit

Nýliðar Wigan í ensku úrvalsdeildinni eru komnir í úrslitaleik enska deildarbikarsins í ár. Liðið komst áfram á mörkum skoruðum á útivelli eftir að hafa tapað 2-1 fyrir Arsenal á Highbury í kvöld eftir framlengdan leik.

Thierry Henry og Robin Van Persie virtust hafa tryggt Arsenal sigurinn, en Jason Roberts minnkaði muninn í 2-1 í blálokin og því er Wigan komið í úrslitaleikinn. Þar mætir liðið annað hvort Manchester United eða Blackburn, en þau mætast annað kvöld og verður leikurinn sýndur í beinni útsendingu á Sýn líkt og leikur kvöldsins.