Gísli verður bæjarstjóraefni Sjálfstæðisflokks

Gísli S. Einarsson, fyrrverandi þingmaður Samfylkingarinnar, verður bæjarstjóraefni Sjálfstæðisflokksins, í bæjarstjórnarkosningum á Akranesi í vor.

Gísli sagði í viðtali við NFS í morgun að Sjálfstæðismenn hefðu leitað til hans fyrir þremur dögum og hann svarað þeim játandi eftir nokkra umhugsun. Hann hefur sagt sig úr Samfylkingunni og verður óflokksbundinn. Hann segist nú hella sér í baráttuna og kveður ekki útilokað að Sjálfstæðisflokkurinn nái hreinum meirihluta í fyrsta sinn á Akranesi.