England á ekki möguleika án Rooney

Steven Gerrard, fyrirliði Liverpool og lykilmaður í enska landsliðinu, er ekki að skafa af svörum sínum þegar kemur að meiðslum Wayne Rooney og hvaða þýðingu þau hafi fyrir möguleika enska landsliðsins á HM í sumar.

"Ég held að England eigi ekki möguleika á að vinna HM án Wayne Rooney. Það veikir öll lið í heiminum að missa mann eins og Rooney og það yrði stóráfall fyrir England ef hann kæmist ekki með. Hann er okkar aðalstjarna - okkar aðalmaður. Ég vona innilega að hann nái sér fljótt svo hann geti tekið þátt með okkur, því ég þekki það að þurfa að sitja heima í stofu og fylgjast með félögunum í sjónvarpinu og það er algjör martröð," sagði Gerrard.