Nistelrooy hefur áhyggjur af framtíðinni

Engin lausn virðist í sjónmáli í máli framherjans Ruud van Nistelrooy hjá Manchester United, en hann hefur verið úti í kuldanum eftir árekstur við knattspyrnustjórann Alex Ferguson á síðustu dögum tímabilsins í ensku úrvalsdeildinni.

Nistelrooy var í dag spurður að því hvort hann óttaðist að hann hefði spilað sinn síðasta leik fyrir félagið. "Maður fær það stundum á tilfinninguna, en það er ekkert víst. Það hefur enginn sagt mér að ég sé á leið út. Það sem gerðist um daginn var auðvitað frekar neikvætt en ég get ekki verið að velta mér upp úr því," sagði Nistelrooy, sem segist vita meira um framtíð sína eftir HM í sumar.