Það er nú eða aldrei fyrir okkur

David Beckham segir að það sé nú eða aldrei fyrir sig og jafnaldra sína, ætli þeir sér að vinna til verðlauna á stórmóti með enska landsliðinu. Fyrrum félagi hans hjá Manchester United, Gary Neville, tekur í sama streng.

"Gary er á sömu skoðun og ég þegar kemur að þessu, en við erum þá ekki endilega að tala um að við séum að verða of gamlir - heldur finnst okkur sem enska landsliðið sé í kjöraðstöðu til að láta að sér kveða með blöndu yngri og eldri leikmanna," sagði Beckham.