Crespo vill ekki gera nýjan samning við Chelsea

Hernan Crespo, leikmaður Chelsea hefur ekki áhuga að gera nýjan samning við félagið. Núverandi samningur rennur út árið 2008.

Þessi 30 ára gamli Argentínumaður hefur verið sagður á leið frá Chelsea þar sem Andriy Shevchenko er mættur á svæðið. Fjölmiðlar hafa verið að segja frá því að líklegt er að hann snúi aftur til Ítalíu þar sem hann spilaði í mörg ár.

" Ég á tvö ár eftir af samningi mínum við Chelsea og allir vita að ég hef áhuga að snúa aftur til Ítalíu. En það er ekki ég sem ræð þessu. Ef Chelsea ákveður að ég megi ekki fara þá tek ég því en ég mun ekki skrifa undir nýjan samning við þá, það er á alveg á hreinu," sagði Crespo.