Beckham róar félaga sína

David Beckham segir að hann sem fyrirliði þurfi að fylgjast með því sem gerist á vellinum. „Ég sagði við Crouchy (Peter Crouch) að hann ætti ekki að stökkva með olnbogana úti, það gæti engin mótherji stokkið nógu hátt."

Beckham sagði að það hafi verið ástæða þess að dómarinn flautaði sífellt á Crouch í leiknum gegn Paragvæ, hann hafi verið með hendurnar útréttar í uppstökkum.

„Crouchy er góður leikmaður og hann stóð sig vel á móti Paragvæ. Stundum þarf ég að róa félaga mína í liðinu niður og stunum þarf að róa mig, þannig er þetta í leikjum," sagði Beckham að lokum.