Við eigum góða möguleika á að vinna HM

Framherjinn David Villa hjá spænska landsliðinu segir að liðið hafi alla burði til að verða eitt þeirra liða sem berjast um heimsmeistaratitilinn í byrjun næsta mánaðar. Villa var markahæsti heimamaðurinní spænsku deildinni á síðasta tímabili, hefur skorað tvö mörk það sem af er HM og fjögur í sínum fyrstu níu landsleikjum.

"Það var mikið af fólki sem efaðist um getu okkar í byrjun móts og við vorum staðráðnir í að sýna að við værum með frábært lið. Við höfum alltaf trú á því að við getum gert góða hluti á mótinu og nú verðum við að sýna að við getum haldið áfram að spila eins vel og í síðasta leik," sagði Villa, en spænska liðið burstaði Úkraínu í fyrsta leik sínum á mótinu.