England fer alla leið segir Cantona

Eric Cantona, fyrrverandi framherji Manchester United, hefur mikla trú á enska landsliðinu á HM og segir að þeir eigi góðan möguleika á að fara alla leið. Enska landsliðið, sem hefur enn ekki náð að sýna sitt rétta andlit þrátt fyrir að hafa unnið B riðilinn, er undir mikilli pressu um að hrökkva í gírinn á móti Ekvador í 16 liða úrslitum í dag.

"Mér finnst enska landsliðið vera að spila vel. Það hefur reynslu og leikur af ástríðu. Í liðinu eru líka nokkrir frábærir knattspyrnumenn og ég hef trú á að þeir fari alla leið," sagði Eric Cantona.