Ísland hrapar niður listann

Íslenska karlalandsliðið í knattspyrnu er komið í 107. sæti styrkleikalista FIFA, en nýr listi var birtur í morgun. Íslenska liðið hefur aldrei áður verið svo neðarlega á listanum en nokkrar þjóðir lyfta sér verulega mikið í þetta sinn í kjölfar góðs árangurs á HM.

Brasilíumenn eru sem fyrr í efsta sæti listans, en heimsmeistarar Ítalíu eru nú komnir í annað sætið. Argentína er í þriðja sæti, Frakkar í fjórða og Englendingar í fimmta sætinu.

Ítalar stukku upp um 11 sæti á listanum, Þjóðverjar 10, Úkraínumenn 22 og Svisslendingar voru hástökkvararnir með 30 sæti, en lið Sviss situr nú í 15. sæti listans.