Ellefur ákærðir fyrir hryðjuverka ráðabrugg

Ellefu einstaklingar voru ákærðir í gær fyrir að leggja á ráðin um að sprengja tíu farþegavélar á leið sinni frá Bretlandi til Bandaríkjanna. Af þeim voru átta ákærðir fyrir morðsamsæri og hryðjuverkaáform og tveir fyrir að hafa ekki gefið lögreglu nægar upplýsingar. 17 ára einstaklingur hefur verið ákærður fyrir að geyma í fórum sínum útbúnað sem gæti nýst til hryðjuverka. Einni konu var sleppt úr haldi án ákæru. Af þeim ellefu sem voru ákærðir eru níu frá Bretlandi. Lögreglan í Pakistan heldur áfram að yfirheyra Rashid Rauf, Breta af pakistönskum uppruna, sem talinn er vera höfuðpaur meintrar hryðjuverkaáætlunar.