Ford selur Aston Martin

Forsvarsmenn bandaríska bílaframleiðandans Ford opinberuðu í gær áætlanir þess efnis að selja hugsanlega hluta af framleiðslulínu og vörumerki Aston Martin sportbílsins. Aston Martin bílar eru í dýrari kantinum en 1.700 manns vinna við framleiðslu hans í Buckinhamshire í Bretlandi.

Vangaveltur hafa sömuleiðis verið uppi um að Ford, sem hefur átt við gríðarlegan rekstrarvanda að stríða, muni selja Jagúarframleiðslu fyrirtækisins. Ekki hefur verið tekin ákvörðun um málið, að sögn fyrirtækisins.