Hönnun nýrra turna í stað Tvíburaturnanna kynnt

Bandarískir arkitektar kynntu í gær hönnun sína að þremur nýjum skýjakljúfum sem munu rísa við hliðina á staðnum þar sem Tvíburaturnarnir stóðu í New York. Sá hæsti turnanna verður 78 hæðir og verður þakið á þeim turni skorið í fjóra tígla sem verða lýstir upp að næturlagi. Þök allra turnanna munu halla niður að minningarreit um hryðjuverkaárásina þann 11. september fyrir fimm árum. Áætlað er að byggingarframkvæmdir hefjist á næsta eða þarnæsta ári og verkinu ljúki árið 2012. Fyrir er verið að byggja á staðnum svokallaðan Frelsisturn og minnisreitinn.