Chelsea átti aldrei að selja Gallas

Framherjinn Didier Drogba sagði í samtali við breska fjölmiðla í dag að Chelsea hefði aldrei átt að selja franska varnarmanninn William Gallas til Arsenal og segir hann vera einn besta varnarmann í heiminum.

"Brotthvarf Gallas er mikið áfall fyrir okkur," sagði Drogba í samtali við Daily Express. "Hann er einn af bestu varnarmönnum í heiminum og þegar kemur að fjölhæfni - er hann klárlega besti varnarmaður í öllum heiminum. Það er mjög erfitt að missa mann á borð við Gallas, en ef félaginu þótti það nauðsynlegt, býst ég við að það sé okkur fyrir bestu."