Penninn kaupir þriðjung í Te og kaffi

Penninn hefur keypt þriðjungshlut í fyrirtækinu Te og kaffi og mun framvegis annast dreifingu og þjónustu til fyrirtækja á vörum frá Te og kaffi. Þetta kemur fram í tilkynningu frá félögunum. Um leið hefur Te og kaffi dregið sig út úr dreifingu til fyrirtækja og hefur sömuleiðis selt veitingahús sem rekið var á þeirra vegum. Fyrirtækið mun framvegis einbeita sér að framleiðslu og heildsöludreifingu á tei og kaffi, ásamt sölu og þjónustu á tilheyrandi tækjum til verslana og veitingahúsa.