Hræddir þjófar

Þjófar sem brutust inn í íbúðarhús í Vínarborg, í Austurríki, forðuðu sér skelfingu lostnir út úr húsinu, þegar þeir fundu átta mannshöfuð í kistu, í kjallaranum. Húsráðandinn er tannlæknir og hann hafði notað höfuðin við rannsóknir. Lögreglan kannar nú hvorrt einhverjar reglur hafi verið brotnar með því að geyma rannsóknargögn með þessum hætti. Talsmaður lögreglunnar segir að af ummerkjum sé ljóst að þjófarnir hafi yfirgefið húsið í miklum flýti og ekki haft nein verðmæti með sér.