Sekt og svipting skotvopnaleyfis fyrir veiðilagabrot

Karlmaður var í Héraðsdómi Austurlands í dag dæmdur til að greiða 70 þúsund króna sekt og var sviptur skotvopnaleyfi í eitt ár vegna ólöglegra veiða. Maðurinn var ákærður fyrir að hafa brotið veiðilög með því að hafa skotið sex grágæsir og eina heiðagæsir innan sveitarfélagsins Hornafjarðar þrátt fyrir að fuglarnir væru friðaðir.

Ákærði viðurkenndi að hafa skotið fuglana en var tvísaga um það hvort hann hefði skotið þá með riffli eða haglabyssu. Þótti dóminum út frá vitnisburði dýralæknis og lögreglumanns sannað að hann hefði notað riffil við veiðarnar. Þótti hæfileg refsing 70 þúsund króna sekt og svipting á skotvopnaleyfi í eitt ár en auk þess voru bæði riffill og haglabyssa mannsins og bráðin gerð upptæk.