Shevchenko og Bellamy eru enn ekki farnir að skora

Glenn Roeder, stjóri Newcastle, var skiljanlega sáttur við frammistöðu framherjans Obafemi Martins í kvöld þegar hann skoraði bæði mörk liðsins í sigrinum á eistneska liðinu Levadia Tallin á St James Park.

"Menn voru búnir að vera að gagnrýna hann fyrir að hafa aðeins skorað eitt mark fyrir leikinn í kvöld, en það er út í hött að dæma mann eftir aðeins tvo mánuði með nýju liði. Andriy Shevchenko og Craig Bellamy eru nú ekki beinlínis að skora mikið fyrir nýju liðin sín, en þetta var bara tímaspursmál hjá Oba. Við vorum allir mjög ánægðir fyrir hans hönd í kvöld og síðara markið hans var sannarlega mjög sérstakt," sagði Roeder.