Hjarta eins og í níræðum manni

Jackass stjarnan Steve-O segist vera hættur að nota kókaín eftir að læknir hans sagði að hjartað í honum væri eins og í níræðum manni, og hann næði ekki fertugsaldri.

Hinn óttalausi Steve-O segir að hann hafi orðið skelfingu lostinn þegar hann heyrði þetta, og ákveðið að hefja heilbrigðara líferni. Það var faðir hans sem rak hann til læknis áður en gengið hélt til Indlands til þess að taka upp myndina Jackass 2.

Steve-O sem er 32 tveggja ára gamall, sagði að það væri óþægilegt þegar manni væri sagt að maður ætti innan við átta ár eftir ólifað.